Sociedá

La Descarga de Cangas del Narcea calienta motores

15/07/2010 a les 14:37:27

La villa de Cangas del Narcea vive les últimes hores preparándose pa'l día más importante de les fiestes d'El Carme y la Madalena. La mítica «Descarga» yá ta a puntu nel prau d'El Molín y los cangueses tán contando los minutos que falten pa presenciar esa esplosión de lluz, ruíu y pólvora que tolos 16 de xunetu se repite nel conceyu suroccidental asturianu.


El 14 de xunetu pasáu abriéronse les fiestes de forma oficial cola llectura del pregón dende la Casa Conceyu de la villa. El pregoneru d'esti añu foi l'ex xugador de baloncestu Fernando Romay. De siguío, una esplosión de voladores marcó l'empiezu del tradicional pasacáis de les peñes.


Dende esi día Cangas yá güel a pólvora, dalgo que va continuar a lo llargo d'estos díes na capital del conceyu. El 16 de xunetu, pasaos unos minutos de les 20 hores, cangueses y visitantes van llorar d'emoción depués de sintir l'españíu de más de 7.000 voladores. Al empar, va ponese a funcionar el mecanismu pa preparar la Desacarga del 2011.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam