Asturies

Depués del fallu del TSXA, Suatea esixe que s'elimine la ratio tamién en Primaria

19/10/2010 a les 14:52:53

Tres de conocese la sentencia del Tribunal Superior de Xusticia d'Asturies onde se considera contrario a derechu establecer un númberu mínimu d'estudiantes pa formar grupu na asignatura de Llingua Asturiana na Educación Secundaria, el sindicatu mayoritariu n'Educación, Suatea, esixe a la Conseyería d'Educación y Ciencia «la eliminación inmediata» del númberu mínimu de diez persones pa poder recibir clases de Llingua Asturiana y Gallego-Asturiano na Educación Primaria.

Amás de pidir que l'Alministración actúe en consecuencia na Educación Secundaria, esti sindicatu pide tamién l'atención «inmediata» de tol alumnáu d'Educación Infantil, que venía recibiendo estes materies «y qu'esti añu se-y ta negando'l so derechu a recibiles» (como los casos asocedíos na Escuela Vil.lapendi, en Mieres; el CRA Caborana, n'Ayer; y el C. P. Honesto Batalón, en Xixón).

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam