Asturies

CC OO denuncia que n’Asturies «namás» 29.220 paraos cobren la prestación contributiva

08/02/2010 a les 10:36:00

Según los datos conocíos, correspondientes al mes d’avientu del 2009, 55.158 paraos cobraron n’Asturies prestaciones por desempléu en cualquiera de les sos modalidaes. «Esto supón una tasa de cobertura del 78,63%, frente al 79,63% del conxuntu del Estáu», informó CC OO.

Teniendo en cuenta’l tipu de prestación, 29.220 paraos asturianos percibieron, a lo llargo del mes d’avientu, la del nivel contributivu.; otres 24.304 persones cobraron les de nivel asistencial –qu’inclúi a los beneficiarios del subsidiu de desempléu y a los del PRODI– y 1.634 recibieron la renta básica d’inserción.

Otra manera, según esplicó’l secretariu d’Empléu de CC OO, Miguel Ballina, «si bien aumenta la protección de los paraos en términos de cantidá, empeora, al les clares, en términos de calidá, al crecer el pesu de les prestaciones asistenciales, de menor importe, en perxuiciu de les contributives».

CC OO tamién informó que la cifra de paraos que nun percibieron prestación por desempléu n’avientu del pasáu añu n’Asturies superó les 20.000 persones.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam