Asturies

IX d'Uviéu afirma que'l «gabinismu quitó la careta» col Palaciu de Xusticia d'El Vasco

10/03/2010 a les 17:58:00

Alejandro Suárez, coordinador d'IX d'Uviéu, manifestó que'l «gabinismu quitó definitivamente la careta en cuantes al Palaciu de Xusticia en rueda de prensa y ensin ponese coloráu».

Suarez denunció, tocante al proyectu pa la finca d'El Vasco, n'Uviéu, qu'al PP y al conceyal d'Urbanismu d'Uviéu, Alberto Mortera, «lo únicu que-yos interesa de la construcción del Palaciu de Xusticia son los intereses económicos d'una empresa, Jovellanos XXI».

Según el coordinador d'IX d'Uviéu, Mortera «oculta qu'esti alcuerdu supón un timu, pero pa los ciudadanos d'Uviéu, polos escandalosos beneficios a costa de les perres de toos».

P'Alejandro Suárez, resulta relevante que'l PP «reconoza públicamente les sos dudes sobre la llegalidá de la operación promovida por Gabino de Lorenzo y tea d'alcuerdu con IX-Los Verdes en qu'estes coses fáense por consensu».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam