Cultura

Cultura presenta les publicaciones ganadores del Premiu Asturies Xoven 2009

10/06/2010 a les 13:48:15

La conseyera de Cultura y Turismu, Mercedes Álvarez, presentó esti miércoles 9 de xunu les publicaciones ganadores del Premiu Asturies Xoven 2009. Los autores premiaos nesta edición foron Sergio Gutiérrez Camblor, pol poemariu Los dioses de Curtis; Xuan Folguera en Narrativa, por Historias de la fortaleza; y Rosario Hernández Catalán, por Chernobil, paraíso natural, en testos teatrales.

El Premiu Asturies Xoven de Poesía, Narrativa y Testos Teatrales ta dotáu con cinco mil euros pa caúna de les modalidaes y inclúi la publicación de los trabayos ganadores na Colección Texu de KRK. Na convocatoria del 2009 participaron 52 persones, 23 más que na edición anterior. El xuráu tuvo formáu por Jordi Doce, Fernando Beltrán, Xuan Bello, Eva Mar Santurio y Adolfo Camilio Díaz.

Nel actu, amás de los autores premiaos, tamién tuvieron el director del Institutu Asturianu de la Mocedá, Guillermo Martínez; el director de Rellaciones Institucionales y Asuntos Sociales de Cajastur, César Menéndez Claverol; miembros del xuráu; y responsables de KRK Ediciones, responsable de la edición de les publicaciones premiaes.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam