Les Noticies.com. Diariu dixital. 17-05-2012
Cultura «llamenta» les declaraciones de la presidenta de l'Academia de la Llingua
IVÁN G. FERNÁNDEZ. UVIÉU - 15/02/2012 A LES 13:45:42En rellación a les declaraciones del martes 14 de febreru de la presidenta de l'Academia de la Llingua Asturiana (ALLA) sobre'l recorte de la subvención concedida pola Alministración, la Conseyería de Cultura acaba d'informar que'l llunes 13 de febreru'l director xeneral de Política Llingüística, Alfredo Álvarez, púnxose en contactu con Ana Cano pa informala del recorte del 40% na subvención, anque, nesa mesma conversación, Cultura asegura que tamién se-y manifestó qu'esi presupuestu nun yera definitivu y que «na midida de les posibilidaes que permitiera’l contestu actual de contención presupuestaria», la Conseyería tenía definíes dos prioridaes clares: «Mantener intactes les partíes destinaes a los Servicios de Normalización, porque d'elles dependen los puestos de trabayu de los sos responsables», y, en segundu llugar, «volver la subvención a l'ALLA a les cuantíes establecíes nel anteproyectu del 2012, esto ye: 167.900 euros nel capítulu de Tresferencies corrientes y 27.427 euros nel de Gastos en bienes corrientes y servicios.
Nesi sentíu, Cultura «llamenta qu'en nengún momentu s'aludiera a estos compromisos nes declaraciones a los medios de la presidenta de l'ALLA». Amás, l'Alministración afirma «tar convencida» de que la sociedá asturiana entiende la necesidá de que'l Gobiernu estableza prioridaes y de que va saber valorar el so esfuerciu pa siguir manteniendo polítiques d'apoyu a toles instituciones y a tolos sectores sociales y económicos comprometíos na defensa y recuperación del nuestru patrimoniu cultural y llingüísticu.
Comentarios fechos (11)
Korreptor 17/02/2012 a les 12:03:19
Diosssss, ¿pero qué ye, que d'estos neños que se meten nel bable a arreglar el país nun hai ún que sepa falar asturiano, ho?
Ai, qué recuerdos d'aquel tiempu cuando hasta los fíos de los inmigrantes segovianos poníen los pronomes a l'asturiana.
Falo 16/02/2012 a les 19:42:17
Nuberu, yo pienso tolo contrario y parezme que vendieronte un moto usada. FAC solo valío pa engañanos y facer del asturianismu una feria de fatos. Al final esos que decíen ser asturianistes quedaron como charranes que cunten en cada fería una chorrada diferente: los turistes madrilanos de Llanes, la reconquista de Xibraltar, l'espíritu de Pelayo, la gran conspiración mundial, etc, etc. Y de facer patria y promocionar la cultura nada de nada, sólo unos xestinos pa engatusar a los más inxenuos de nosotros o caciplar con algunos necesitaos de poder. Nun podemos ser tan baratos, que con que un franquista diga nun miting que Asturies ye un país ya mos caguemos pola pata abaxo y vayamos detrás d'él como los pitinos tras la pita. Cascos usonos y agora, como nun llogró lo suyo, dexanos tiráos. Espero que nel futuru naide identifique asturianismu como semeyante magullu. Y por otru llau esi bilordiu de ruemper el binomiu ruinosu PSOE-IU y PP nun ye ciertu, Cascos ye PP rebelde, recuerda que dexó esi partíu porque nun-y daben el puestín que-y apetecía, non por un sentimientu asturianista nin diferencies ideolóxiques. Dafechu vas ver que tou esti esparabán nomáu Cascos va beneficiar ñidiamente al PP. Oxalá l'asturianismu dese cuenta del timu y seya a arimase a les fuercies polítiques que sinceramente tan per Asturies y non a arribistes. Hai veces que tenemos tantes ganes de que les coses salgan bien que vemos lo que queremos y non lo qu'hai, asina ye que pue confundise un burru con un caballu.
Rametu 16/02/2012 a les 14:36:52
¿Y por qué los nacionalistes siempre vos ponéis como si la vuesa postura fora la única cierta, la única centrada y la única normal? Esa supuesta superioridá moral na que vos ponéis ye tan infantil como inaceptable. Y asina ye que la xente nun quier saber nada de vós. Ye normal.
Un conseyu, si nun te paez mal: dai menos lleciones de superioridá moral y intentái esparder más les bondaes d'una perspectiva más asturiana y autocentrada de la política, sin calificar de traidores y vendíos a los que de mano nun comulguen con vós.
Forqueu 16/02/2012 a les 12:01:50
El problema del nacionalismu astur ye que lo prioritario pa munchos son munchos otros elementos enantes que lo esencial pa la supervivencia de la nuesa cultura. Mui pocos de los que charren nos foros anteponen esa resistencia cultural a tolo demas: primero tan los personalismos, el rexonalismu, la corriente politica, etc.
El nacionalista que prima perriba too la cultura y la nuesa pervivencia ye, amas, patriota. Y d'eso gastase poco nel nuesu pais.
Lin de Foz 15/02/2012 a les 20:45:35
FORO ASTURIAS YE UN TIMU
Van d'asturianistes y son más españolistes que'l PP y UPyD xuntos.
Espero que tolos asturianistes que en mayu votaron a esta gandaya se tengan dao cuenta yá del so erru y nun-yos regalen nengún votu.
Lesnoticies.com - Cultura «llamenta» les declaraciones de la presidenta de l'Academia de la Llingua
Alfredo Álvarez, director xeneral de Política Llingüística.
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
