Les Noticies.com. Diariu dixital. 17-05-2012
Coto: «Ye inxusto que'l 10% de recortes recaiga n'Asturies»
REDACCIÓN. UVIÉU - 03/01/2012 A LES 10:43:29Cristina Coto, diputada de Foru Asturies na Xunta Xeneral, señaló esti 2 de xineru que ye perdifícil xustificar que'l 10% del recorte de 8.900 millones d'euros que propón el Gobiernu de Mariano Rajoy recaiga n'Asturies, «una comunidá autónoma uniprovincial y pequeña, que representa poco más del 2% de la economía del Estáu». «Les midíes anunciaes suponen una distribución tremendamente insolidaria», afirmó Coto, qu'añadió que los recortes suponen un perxuiciu importante «pa la nuestra rexón».
Otra manera, la diputada señaló que l'aplazamientu de la Llei de Dependencia perxudica seriamente a Asturies, «cuando dende'l Gobiernu autonómicu tán faciendo un esfuerciu de financiación mui importante». Per otru llau, recordó que los recortes n'infraestructures afecten seriamente a la recuperación económica del país y apuntó que facer cayer los más de los recortes n'Asturies «ye un ensañamientu colos más desfavorecíos».
Comentarios fechos (3)
Faustino 04/01/2012 a les 22:10:38
Esto me parez que lo dexó resuelto hoy Rubalcaba, que anduvo por Xixón. ¿O fué Ovidin?, kago´n la mar, ya non me aclaro.
Iyán 03/01/2012 a les 15:59:36
Non; si al final va ver que besa-yos el culu al PP-PSOE-IU. Vamos ver votaron pa da-y marxe confianza, non comu ellos que nin eso dexaron equí n'Asturies a Cascos. Una vez defraudá la confianza, agora FORO ponse comu tien de ser a esixir a Madriz, y non dicir si a too como ficieron PP-PSOE col sofitu de IU nel último casu.
Estos 03/01/2012 a les 11:31:27
Estos de Foro Asturias de qué van. Pero si votaron a favor de Mariano Rajoy va unos díes y agora pónense a reburdiar!! Y encima diéron-yos grupu parllamentariu a los d'upyd!!
Y encima, polo que vemos, ficiéronlo too gratis. Como los tontos.
Principado Calidade.
Lesnoticies.com - Coto: «Ye inxusto que'l 10% de recortes recaiga n'Asturies»
La diputada Cristina Coto.
10/05/2012 - El Serida edita dos llibros pa la cría del gochu’l país
17/04/2012 - El sector agrariu asturianu ponse d'alcuerdu énte la reforma de la PAC
18/04/2012 - El Principáu va pagar 259 millones d'euros col mecanismu estraordinariu de pagu a proveedores
20/04/2012 - CC OO alvierte de que les midíes de recorte van facer afondar la crisis
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
