Les Noticies.com. Diariu dixital. 09-09-2010
La Coordinadora Verde esixe al Gobiernu español que cumpla la llexislación ambiental
Fecha: 27/02/2010 a les 02:15:59Énte l'anunciu del Gobiernu español, que prevé presentar güei 26 de febreru la Llei de Protección del Mediu Marín, la Coordinadora Verde apoya la puesta en marcha d'esta llei básica de medioambiente, «fundamental y imprescindible». Al empar, esti colectivu ecoloxista quier recorda-y al Executivu «la necesidá d'una voluntá política real y efectiva» de cumplimientu de tola llexislación ambiental existente.
La Llei de Protección del Mediu Marín va incluír la Directiva Marcu de la Unión Europea sobre estratexa marina y tamién midíes de protección relatives a esti mediu que se contemplen nos convenios internacionales. Ún de los puntos fuertes va ser la creación de les Árees Marines Protexíes p'asegurar la protección y recuperación del patrimoniu que constitúi l'ecosistema marín.
Según Forent Marcellesi, co-portavoz de la Coordinadora Verde, «facía falta una Llei que trespunxera la Directiva Marcu sobre estratexa marina en vigor dende'l 15 de xunetu del 2008». Pa la co-portavoz de los ecoloxistes, «ye imprescindible que tanto esta llei como toles que tenemos actualmente en vigor, les cumplan tolos poderes públicos, sobre manera l'Executivu y el Xudicial».
06/09/2010 - Roberto Colunga pide qu’Asturies intervenga pa protexer el xacimientu de Lancia
04/09/2010 - El Partíu Radical d'Emma Bonino pide la creación de los Estaos Uníos d'Europa
05/09/2010 - ETA anuncia un altu'l fueu
27/08/2010 - L’Autovía del Cantábricu sálvase del plan d’axuste, pero Blanco nun da feches
31/08/2010 - El Conceyu d'Uviéu paraliza les obres d'accesu al HUCA
RSS Lesnoticies.com
Apúntate en Facebook
Semeyes en Flickr
