Asturies

La Coordinadora Ecoloxista denuncia l'almacenamientu de carbón nel Parque Natural de Fontes del Narcea

03/09/2010 a les 10:50:19

La Coordinadora Ecoloxista d'Asturies acaba de denunciar énte la Viceconseyería de Mediu Ambiente l'almacenamientu de carbón en Veiga de Rengos, en plenu Parque Natural de Fontes del Narcea.

Según los ecoloxistes, hai delles tonelaes de carbón que se tán acumulando ehí y «cada día que pasa siguen aumentando a pesar de les quexes de los vecinos». Dende hai unos meses, la empresa minera Carbonar arrendó los terrenos de lo que yera una escombrera vieya. Amás, esti colectivu denuncia qu'hasta la fecha «nun se tomó midida nenguna pola empresa p'amenorgar los impactos d'estos almacenamientos».

Por esi motivu, la Coordinadora Ecoloxista d'Asturies esixó a l'Alministración que se paralice «de forma inmediata'l vertíu de carbón y, de la mesma manera, se retire lo que yá s'almacenó y s'abra espediente sancionador a les empreses responsables».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam