Cultura

Convócase'l séptimu Certame de Poesía Nene Losada

05/09/2010 a les 12:38:10

L'Asociación de Muyeres Valdés Siglo XXI del Conceyu de Valdés, convoca’l VII Certame de Poesía Nené Losada Rico, nel que pueden participar toles persones interesaes, mayores de 18 años, residentes nel Estáu español, y que nun foren premiaes nes anteriores convocatories d’esti certame, con un poemariu, orixinal y inéditu, n'asturianu, con una estensión ente doscientos setenta y cinco versos y un máximu de quinientos.

Los trabayos han presentase por triplicao, baxo plica, firmaos con un alcuñu nun sobre ensin remite. Dientro del sobre ha dir otru sobre zarráu colos datos personales: nome, apellíos, dirección, teléfonu y un currículu curtiu.

Han unviase per corréu certificáu a l’Asociación de Muyeres Valdés Siglo XXI, asitiada na cai Los L.lagos, 33787 Barcia (Valdés) Asturies, indicando nel sobre: «Pal VI Certame de Poesía Nené Losada Rico». El plazu d’almisión de los trabayos ye hasta les 14:00 hores del 30 de setiembre del 2010.

Va premiase’l trabayu ganador con 1.200 euros y diploma pa cada modalidá. L’asociación de Muyeres Valdés Siglo XXI queda col derechu de publicar como-y pete los poemarios premiaos nun plazu de dos años. Pasáu esti plazu, los autores van poder publicalos pola so cuenta, citando siempre el nome del premiu recibíu.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam