Asturies

La conseyera de Cultura y l'alcaldesa de Xixón inauguren los Alcuentros de KBÑS 2010

09/09/2010 a les 15:54:07

La conseyera de Cultura, Mercedes Álvarez, y l'alcadesa de Xixón, Paz Fernández Felgueroso, participaron na mañana del 9 de setiembre na inauguración de la 28 edición de los Alcuentros Internacionales de Mocedá Cabueñes 2010, que se celebren na Llaboral, Ciudá de la Cultura.

Nel actu tamién participaren el presidente del Conseyu de la Mocedá d'España, Ricardo Ibarra Roca; el director del Institutu Asturianu de la Mocedá, Guillermo Martínez; el presidente del Conseyu de la Mocedá d'Asturies, Marcelino Suárez; y el presidente del Conseyu de la Mocedá de Xixón, Carlos Fernández.

Na so intervención, la conseyera señaló que Cabueñes «foi un viveru fructíferu de líderes pal movimientu xuvenil, un marcu de convivencia onde miles de mozos y moces pudieron reflexonar y enriquecer la so esperiencia». Tres l'actu inaugural, la catedrática de Filosofía Moral y Política de la Universidá Nacional d'Educación a Distancia y Conseyera d'Estáu, Amelia Valcárcel, impartió la conferencia Xente mozo construyendo una ciudadanía nueva, lema que da títulu a los alcuentros d'esta edición.

Esta iniciativa, que se desenvuelve del 9 al 11 de setiembre, ta organizada pol Institutu Asturianu de la Mocedá d'España, l'Institutu Asturianu de la Mocedá, el Conceyu de Xixón, los Conseyos de la Mocedá d'España, Asturies y Xixón, y la Federación Española de Conceyos y Provincies.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam