Les Noticies.com. Diariu dixital. 09-09-2010
Yá se conocen los prefinalistes de la Meyor Canción de los Premios de la Música 2010
Fecha: 16/01/2010 a les 11:19:50L'Academia de les Artes y les Ciencies de la Música anunció los nomes de los prefinalistes a les munches categoríes establecíes na XIV Edición de los Premios de la Música.
En cuantes a la Meyor Canción en Llingua Asturiana, tán nominaes: «11 de mayu» (Mapi Quintana), «Cantar de la redención» (Dixebra), «El canciu’l mineru» (Spanta la Xente), «El mio sitiu» (Lafu&Rebeca;), «La casa’l mieu» (Misiva), «La nada y tu» (Alfredo González), «Palombina blanca» (Laura Díaz), «Queimar el cielo» (Bacotexo), «Una de gallus» (Fe de Ratas) y «Ye lo que nos pasa» (Músicos pola Oficialidá). D’ente toes elles van salir les tres finalistes qu’opten a ser consideraes como la meyor composición musical en llingua asturiana del añu 2009.
Dende que se creó esti premiu, depués d’años de la existencia d’ún igual pal gallegu, vascu y catalán, los ganadores foron Pepín Robles con «Nunca máis» (2004), Chus Pedro con «Agora sal a bailar» (2005), Los Berrones con «Fai deporte» (2006), Rossaleda Jazz Quartet con «Na fonte» (2007), Tejedor con «Seique non» (2008) y Esther Fonseca con «Negra» (2009).
Nos demás apartaos tamién hai presencia de la música asturiana, como por exemplu nel casu del Meyor Álbum de Música Tradicional, onde tán nominaos Fíos d’esta tierra de Spanta la Xente y El sonar de les semeyes de Mapi Quintana, o del Meyor Álbum de Rock Alternativu, cola nominacion d’Amor incendiariu de Dixebra.
La gala d’entrega d’esta XIV Edición de los Premios de la Música va facese, mui probablemente, nel mes de marzu.
26/08/2010 - Yá pues sentir «Sarxentu retonda», un nuevu cantar de Skama la Rede
14/08/2010 - Lorient : ultimu vienres
03/09/2010 - Suspenden la Gala d'Asturies de José Luis Moreno
10/08/2010 - Loriant : el primer dii
19/08/2010 - Prepárase’l VIII Salón del Llibru Asturianu
RSS Lesnoticies.com
Apúntate en Facebook
Semeyes en Flickr
