Les Noticies.com. Diariu dixital. 17-05-2012
El Congresu acepta tramitar la reciprocidá de les televisiones autonómiques
DAMIÁN BARREIRO. UVIÉU - 14/09/2011 A LES 11:06:01La Iniciativa Llexislativa Popular (ILP) Televisión ensin fronteras, impulsada por Acció Cultural del País Velencià, va tramitase nel Congresu de los Diputaos la llexislatura que vien, depués de les elecciones del 20 de payares. Esti martes 13 de setiembre, la mayoría de grupos votó a favor de l’almisión a trámite, nun siendo’l PP, que finalmente abstúvose, y d’UPyD y UPN, que votaron en contra. La midida, de llegar a aprobase, va permitir llegalizar l'intercambiu d'emisiones de les autonómiques ente territorios que comparten idioma «idénticu o asemeyáu», colo que l'aprobación podría permitir la emisión de la TVG nel Navia-Eo y la de la TPA al sur del Cordal.
Esta iniciativa, basada del desarrollu de la Carta Europea de les Llingües Minoritaries, quedó vetada cuasi un añu pol Gobiernu del PSOE, anque en xunetu aceptó la tramitación y tamién anunció que diba votar positivamente. Agora, desque s’almitió a trámite, el debate y la votación nun se van facer hasta pasaes las elecciones del 20 de payares. Por eso, la so aprobación definitiva pue quedar pa prau si'l PP gana los comicios.
27/04/2012 - La Vuelta a Asturies sigue ensin usar la toponimia oficial nes notes que manda a la prensa
19/04/2012 - El diariu «La Voz de Asturias» ciarra depués de 89 años d'esistencia
08/05/2012 - Sal a la venta l'añada 2010 de L.lumés, el primer vinu etiquetao n'asturianu
11/05/2012 - La Gascona celebra esti domingu 13 la Preba de la Sidra
14/05/2012 - Una mesa redonda va tratar el futuru del asturianu na Universidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
