Cultura

El Conceyu de Bimenes convoca'l XIII Concursu de Cuentos pola Oficialidá del Asturianu

08/03/2010 a les 13:05:06

El Conceyu de Bimenes abrió'l plazu de presentación d'orixinales pa participar nel XIII Concursu de Cuentos pola Oficialidá del Asturianu. Los trabayos han tar escritos en llingua asturiana, respetando les normes ortográfiques vixentes, y han tener una estensión máxima de diez folios. Les obres pueden presentase nel Conceyu hasta'l 2 de xunu. Los cuentos han mandase a la Casa Conceyu de Bimenes, en Martimporra s/n C.P. 33527. Tamién se pue pidir información sobre les condiciones del concursu nel telefónu 985700367.

L'apertura de los orixinales va facese'l 28 de xunu del 2010 nun actu públicu y el xuráu va tar compuestu por tres miembros cualificaos y presidíu pol alcalde de Bimenes. L'actu institucional d'entrega de premios de les obres gallardonaes ta previstu pal 1 de xunetu, coincidiendo coles celebraciones de la Fiesta de la Oficialidá de la Llingua Asturiana. Los premios tán dotaos con 800 euros pa la obra ganadora, 500 pa la segunda y 350 pa la tercera.

El certame entámalu'l Conceyu de Bimenes y cuenta cola collaboración de Cajastur y la Conseyería de Cultura y Turismu del Gobiernu asturianu.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam