Les Noticies.com. Diariu dixital. 17-05-2012
Cienfuegos recuerda que FICXixón pasó de 10.000 a 75.000 espectadores
DAMIÁN BARREIRO . UVIÉU - 13/01/2012 A LES 13:20:41Depués del so cese pol Conceyu de Xixón, José Luis Cienfuegos diz que nesta última edición tuvieron más ingresos que gastos y que medraron nun 10% n'espectadores en comparanza cola edición anterior: «Más de 75.000 espectadores; hai que saber que, cuando accedí a la dirección del certame en 1995, el númberu d'espectadores taba alredor de los 10.000», señala'l yá ex-director de FICXixón.
Cienfuegos unvió un comunicáu a los medios pa mostrar la so opinión públicamente depués de que lu destituyera Carlos Rubiera, conceyal de Cultura de Xixón. Nél, agradez a los collaboradores, instituciones, públicu y sociedá, l'apueste que fixeron por un certame «con un prestixu reconocíu nos circuitos cinematográficos nacionales y internacionales y con una llinia de programación inédita nel conxuntu de festivales d'España». Amás, fala del apoyu del festival a la crítica moza y l'interés por llevar el cine de calidá a la mocedá y, en xeneral, al conxuntu de la sociedá.
L'ex-director afirma que nestos años procuraron reflexar les últimes tendencies del audiovisual, «pero siempre col convencimientu de que los nuestros espectadores sabríen entender el xuegu que supón participar y somorguiase cada añu nun festival de cine; xuegu qu'implica la regla non escrita que diz qu'un festival de cine, como cualquier eventu cultural, nun pue replicarse clónicamente añu tres añu hasta la fartura. N'ocasiones fallamos. Pero parezme que les más de les veces, acertemos cuasi diría con arguyu sanu, estrepitosamente».
Otra manera, la nueche del xueves 12 de xineru, Xixón vivió una concentración n'apoyu a Cienfuegos y a la llinia de programación actual de FICXixón qu'enllenó la Plaza del Conceyu.
Comentarios fechos (1)
Nuberu 13/01/2012 a les 21:46:49
Si ye pa meyorar,pues alantre con ello.Hai que reconocer el bon trabayu que fixo Cienfuegos,y seria bonu aprovechar la so esperiencia de tanto tiempu,pero nun me parez mui sano que dempues de tantos años sigan les mesmes persones al frente nin d´esto nin de nenguna otra cosa,y haí,qu´aprovechando lo ya fechu nun tener mieu a mover coses, qu´ún de los defectos de los asturianos y d´ehi que cuestanos avanzar ye´l mieu a los cambios y asina nun hai manera de superarse.Suerte a la nueva direccion que tien un añu pa ponese les piles y sinon ya saben lo que hai....al menos eso espero yo que pase.
11/05/2012 - La Xunta de Toponimia acepta «Guimarán»
25/04/2012 - L’Asociación d’Escritores d’Asturies nun contempla l’asturianu nos XIII Premios de la Crítica
12/05/2012 - Asturies arrasa A Baixa lisboeta
26/04/2012 - Carlos Suari vuelve'l Premiu de la Crítica 2009 pola decisión de retirar les categoríes n'asturianu
14/05/2012 - LESNOTICIES.COM ufierta una galería colos meyores momentos del Festival de la Mázcara Ibérica
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
