Cultura

Cayarga publica'l poemariu «La ñeve del cuquiellu»

REDACCIÓN. UVIÉU - 24/01/2012 A LES 11:11:53

Xabiero Cayarga acaba de publicar una entrega poética nueva: La ñeve del cuquiellu, cola que foi a algamar pela segunda vez el Premiu Teodoro Cuesta, nesi casu, na convocatoria del 2010. Con poemes narrativos y esenciales, l’autor va creando un mundu poéticu, al empar qu’éticu y moral, onde la cenciellez y pulcritú llingüístiques, y la maestría de componer, aseñorien unos versos escritos cola sinceridá y la calma que’l posu los años y la esperiencia van dexando.

Xabiero Cayarga (Cangues d’Onís, 1968) ye una de les voces meyores con que cuenta la lliteratura asturiana. L’autor ye tanto poeta (El deliriu d’esclavu, Pequeña Europa y Les llingües de la Hydra) como narrador (cuentos: Les gatileres del cielu, Güelgues sobre’l llagu, A flor de piel; noveles: Trastes de bufanda y El Sol Negru de Wewelsburg).

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam