Economía

Castiella y Llión sal de la recesión a más velocidá que la media nacional

23/07/2010 a les 11:31:45

Caja España inclúi nel so últimu númberu del Boletín Económicu de Castiella y Llión l’análisis de coxuntura de la economía nacional y de Castiella y Llión, con desagregación provincial, relativu al primer trimestre del 2010. Según estos datos, l’actividá económica de Castiella y Llión, midida pol PIB, baxó un 0,5% nel primer trimestre del 2010 respective a un añu enantes, una caída menor que’l 1,3% de la contracción nacional. El datu confirma’l cambiu d’enclín, porque vuelve a ser muncho meyor que’l que se rexistrara nel trimestre anterior, cuando la caída interanual del PIB foi del 2,6%.

La base de la recuperación ye múltiple: el consumu priváu, la inversión en bienes d’equipu y el sector esterior. L’Indicador Sintéticu d’Actividá aportáu nel informe confirma que la salida de la recesión ta siendo más rápida en Castiella y Llión que la media nacional. Especialmente apréciase nes esportaciones, muncho más dinámiques gracies al sector del automóvil, l’Índiz de Producción Industrial (pola so estrecha rellación col mesmu sector), la compraventa de vivienda y el comerciu minorista. Respective al empléu, según la EPA, cayó nel primer trimestre un 2,8% en comparanza al nivel d’un añu enantes, caída inferior a la nacional y que mantién la desaceleración de la destrucción d’empléu. La tasa de paru xubió al 15,9% pero queda lloñe del 20,0% nacional.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam