Les Noticies.com. Diariu dixital. 09-09-2010
La Casa de los Alberti acueye'l segundu alcuentru Sidra&Blogues
Fecha: 19/02/2010 a les 09:53:38El Centru de Referencia de la Cultura y la Llingua Asturiana Casa de los Alberti de Ciañu (Llangréu) va acoyer esti sábadu, 20 de febreru, el segundu alcuentru Sidra&Blogues. Nel trescursu l’actu van dase delles charles sobre Internet y el desenvolvimientu de redes sociales n’asturianu, amás de facese entrega de los premios al Meyor Blogue n’Asturianu del añu 2009.
Les actividaes principien a les 17 hores cola recepción a la xente participante que va facer la Banda de Gaites Escuela de Música Tradicional de l'A.P.A del Conservatoriu Valle del Nalón. De siguío, va haber una mesa redonda cola participación de David Guardado, espertu n'Internet, director de Zona Atlántica de Prensa Ibérica Dixital y cofundador d'Asturies.com; Poli Mencía, espertu en redes sociales y diseñador de la campaña Doi la Cara del CAO; y Marquinos, co-autor del blogue Ta pa Ponga y espertu en sofware llibre.
A les 18.15 hores va facese la entrega de premios al Meyor Blogue n'Asturianu del 2009 y a les 18.45 hores acaba l'actu y anímase a la xente a compartir unes botelles de sidra nos chigres de Ciañu.
L'alcuentru entámalu la Xunta de Blogues en llingua asturiana y collaboren nél el Conceyu de Llangréu, Softastur y Xareos.
01/09/2010 - La Plataforma Unitaria 8 de Setiembre convoca un actu reivindicativu en Xixón
23/08/2010 - Ésitu de públicu nes xornaes de puertes abiertes del Centru Niemeyer d'Avilés
04/09/2010 - El censu d'oses con esbardu del 2010 confirma la recuperación de la especie n'Asturies
19/08/2010 - El Vinu de la Tierra de Cangas trunfa ente’l públicu de la Feria de Muestres
04/09/2010 - Villaviciosa celebra la XIII Fiesta de la Sidra
RSS Lesnoticies.com
Apúntate en Facebook
Semeyes en Flickr
