Cultura

«Cantar de la redención», de Dixebra, reconocida como Meyor Canción n’Asturianu nos Premios de la Música

17/02/2010 a les 12:40:56

«Cantar de la redención», una de les canciones que formen parte del últimu discu de Dixebra, Amor incendiariu (L’Aguañaz), ye la ganadora del premiu a la Meyor Canción n’Asturianu dientro de los Premios de la Música que concede cada añu l'Academia de les Artes y les Ciencies de la Música. La ceremonia d’entrega va celebrase’l 4 de marzu en Madrid, nel Teatru Häagen Dazs Calderón.
Amor incendiariu salió al mercáu a últimos del 2009 y foi’l primer álbum d’estudiu de Dixebra depués de cinco años ensin sacar canciones nueves. Otra de les canciones d’esi discu, «El dinamiteru», figura ente los nominaos al Premiu al Meyor Cantar en Llingua Asturiana, que va entregase en Mieres el 20 de febreru.
Dientro de los apartaos dedicaos a les llingües minoritaries del Estáu, los otros ganadores foron Quimi Portet (en catalán, por «Homes i dones del cap dret»), Ruper Ordorika (en vascu, por «Haizea garizumakoa») y Carlos Bau (en gallegu, por «Nada»). Los trunfadores d’esta edición de los premios foron el flamencu Miguel Poveda y los rockeros Fito & Fitipaldis, qu’acabaron ganando la mayoría de los gallardones.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam