Cultura

«La Bufanda», llibru más vendíu n'asturianu nel Salón del Llibru

02/09/2010 a les 10:54:57

La novela La Bufanda, de David Artime Coto, Premiu de Narraciones Trabe 2009, foi'l llibru más vendíu nel VII Salón del Llibru Asturianu de Xixón, entamáu pol Gremiu d'Editores d'Asturies. Según informaron dende la organización, nos diez díes que duró'l salón vendiéronse 935 llibros, de los qu'un 30% yeren nel idioma del país.

En castellanu, el llibru más vendíu foi Cocina Tradicional Asturiana, de la editorial Picu Uriellu, obra de Lluis Nel Estrada Álvarez. Ente los llibros infantiles destaca Les 1.000 pallabres n'asturianu, orixinal d'Heather Amery y editáu por Trabe, mentes qu'en castellanu foi El dinosaurio, el principe, la nieta y su mama, de Miguel Rojo y la editorial Pintar-Pintar.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam