Asturies

Bloque y UNA súmense a la convocatoria de la Plataforma 8 de Setiembre

02/09/2010 a les 11:36:29

El Bloque por Asturies y Unidá Nacionalista Asturianista apoyen la concentración de la Plataforma Unitaria 8 de Setiembre, que va celebrase'l Día d'Asturies a les 12.30 hores na Plaza del Náutico de Xixón, y faen un llamáu a la movilización ciudadana «pol futuru d"Asturies».

El Bloque diz que ye necesaria la movilización social, sindical y política de la esquierda, l'asturianismu y l'ecoloxismu, «pa qu'esti 8 de setiembre entamemos a construír nuevos espacios de participación social y de movilización y llucha, un día d'unidá d'acción de la sociedá pol nuestru futuru».

«Esti Día d'Asturies, los ciudadanos, les fuerces polítiques y sindicales, los movimientos sociales, tenemos que dar una respuesta democrática que contraponga'l silenciu y la resignación, la esperanza d'un futuru meyor y la fuerza de la unidá pa facelo realidá», afirmen dende la organización.

D'igual manera, UNA llama a la ciudadanía a qu'apueste por un 8 de setiembre que marque'l principiu del cambéu social, políticu y económicu n'Asturies. Según el portavoz de la organización, Faustino Zapico, «ye preciso abrir espacios de collaboración pa dotanos de ferramientes que xeneren nueves alternatives polítiques y sociales pa defender los intereses d'Asturies».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam