Les Noticies.com. Diariu dixital. 17-05-2012
Bloque-UNA diz que Rubiera quedó «ensin capital políticu»
REDACCIÓN. UVIÉU - 13/01/2012 A LES 09:57:35Daniel Fernández, portavoz de Bloque-UNA de Xixón, considera que'l conceyal de Cultura, Carlos Rubiera, quedó «ensin capital políticu pa exercer les sos competencies». La formación diz que la ciudadanía reprobó la so xestión por cuenta de la destitución como director del FICXixón de Jose Luis Cienfuegos.
Fernández diz que la movilización de la ciudadanía tien que facer reflexonar a Carlos Rubiera, «porque yá nun tamos falando d'una destitución inxustificable, sinón de les llinies marcaes pol equipu directivu nuevu del festival; supón, nin más nin menos, que la muerte del mesmu tal como lu entendemos anguaño, cuando ye un formatu con un ampliu éxitu de crítica y públicu».
Amás, el portavoz asturianista destaca que FAC nun engañó a naide cola so «cínica» defensa del sector cinematográficu asturianu, «porque nel actual FICXixón yá esistía un espaciu pal nuestru cine y cultura, como pa la llingua asturiana, y si lo que se quier ye potenciar esa vertiente nel festival nun ye necesario desfacer tolo anterior, como se ta proponiendo, sinón trabayar colos actuales organizadores nesa llinia d'actuación». P’acabar, afirma que ye irónico qu'argumenten querer defender la nuestra industria cultural «los mesmos que tán afogando la RTPA y con ello al nuestru sector audiovisual».
Comentarios fechos (4)
Saber lleer 02/02/2012 a les 19:27:31
Pelayu, mira la fecha del comunicau y luego la de la convocatoria d'elecciones. Home criticar por criticar siempres ye prestosu, pero asi va el asturianismu
Pelayu 01/02/2012 a les 16:39:17
Coimes! La UNA ¿esiste? ¿salió de la hibernación? Ye qu´hai elecciones y hai que mandar comunicadinos, hom.
Reponsabilidá política 13/01/2012 a les 12:03:04
Que yo sepa UNA, por el resultau de les elecciones, nun tien ninguna responsabilidá, repruébase a la xente con responsabilidaes públiques cuando fae mal les coses o se cree que fae mal. Además prestame que UNA sofite a Rubiera cuando lo fae bien, como con el Festival Atlánticu, y critículau cuando lo fae mal, como agora con el FICX. FAC ta faciendo, nesti tema, lo mesmo que la FSA en la mayoría de les coses, movese dende'l sectarismu puru y duru
capital políticu 13/01/2012 a les 11:22:31
Tais guapos pa falar de falta de capital políticu si l'argumentu que manexáis ye la "reprobación" de la ciudadanía na concentración de Xixón. Entós a UNA, nes elecciones, ¿reprobóvos la ciudadanía tamién?
04/05/2012 - 2.000 persones piden nes cais d'Uviéu la oficialidá del asturianu
07/05/2012 - Naz el procesu «Compromisu» de la mano de la fusión de Bloque por Asturies y UNA
08/05/2012 - Herbamora presenta'l 9 de mayu n'Uviéu'l so proyectu musical nuevu
20/04/2012 - IX quier que'l PSOE se comprometa a instaurar la circunscripción única
15/05/2012 - Compromisu constitúise nel Nalón
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
