Les Noticies.com. Diariu dixital. 17-05-2012
Bloque-UNA alerta sobre la situación «dramática» del asturianu por culpa de «la inacción de FAC»
IVÁN G. FERNÁNDEZ. UVIÉU - 02/02/2012 A LES 10:21:45Yolanda Huergo, coportavoz de Bloque-UNA, esplicó nun comunicáu que, «desgraciadamente», nel tiempu trescurríu dende la llegada de Foru Asturies al poder, «non solo nun s'apostó decididamente» pola sobrevivencia y la normalización de la llingua asturiana, sinón que la so política foi «continuista col Gobiernu anterior, con polítiques insuficientes, pero con menos presupuestu».
Huergo tresmitió la indignación de la coalición nacionalista énte la situación de la llingua asturiana con un principiu d'añu «enllenu de males noticies», como, por exemplu, el pieslle d'oficines de normalización, la pretensión de recorte del 30% nel presupuestu dedicáu al asturianu y «el pieslle de la edición impresa del selmanariu LES NOTICIES».
Pa la coportavoz de la coalición, esta situación foi especialmente «sangrante» porque'l conseyeru de Cultura, Emilio Marcos Vallaure, anunciara que la llingua asturiana «diba ser una de les sos prioridaes y pudimos ver en qué se concretó: reducir drásticamente l'asignación presupuestaria y nun tomar nenguna midida nueva nin ambiciosa p'acabar cola situación terminal de la llingua». Nesi sentíu, pa Bloque-UNA la voluntá política «vese nos presupuestos y eso nun se modifica con xuegos de palabres como les del conseyeru de Cultura Vallaure».
Otra manera, el pieslle de la edición impresa de LES NOTICIES ye pa Huergo «otra mala noticia que dexa a los llectores ensin nengún mediu impresu n'asturianu», un fechu que pa la coportavoz de la coalición demuestra «el fracasu d'una política llingüística y l'incumplimientu de les obligaciones de l'Alministración, que tienen qu'asegurar que la llingua asturiana tenga una presencia adecuada nos medios de comunicación en tolos soportes».
Pa rematar, Huergo criticó qu'IX «intente sacar tayada política de la defensa del asturianu cuando ye corresponsable de la situación actual».
Comentarios fechos (11)
xana22 03/02/2012 a les 17:07:40
Nun quiero imaginame otros 30 años con Ppsoe.Por eso, pel bien del nuesu pais, votaré al menos malu, vistes les probabilidaes de que saque algo algún partíu nacionalista.El menos malu y únicu partíu asturianu nel Parllamentu.
Xurde 03/02/2012 a les 12:17:43
Alderiques a un llau, l'únicu mou de facer realidá la normalización social de la llingua asturiana ye la so oficialidá.
Nuberu 03/02/2012 a les 11:40:20
La mio forma de camentar ye la siguiente,si nun ties la llave pa abrir la puerta y entrar,influye pa que daquien t´abra la puerta,esto ye qu´en vista y seguru que nes ellecciones y pola dixebra del nacionalismu ye imposible tener representacion,en vez de sentamos a llorar por ello y contar batallines de como ta la cosa y bla bla bla,intentemos sacar dalgun beneficiu pal pais y pal asturianismu,eso ye facer de Lobby.En Foro Asturias tenemos la unica plataforma onde ponelu´n prautica,por eso de los mios comentarios intentandu facer Lobbying y que la xente pille la idea.Quin nun tien voz nel parllamentu politicamente y nos medios....nun esiste.Ademas qu eso faira que nel futuru los partios tengan en cuenta el Lobby asturianista.Les coses ¨Doctor¨,tienen sentiu si buscamos bien.
Nuberu 03/02/2012 a les 09:50:11
Home Doctor,ye cuestion d´estratexa,cuantos años lleven los d´Andecha Astur coles sos posiciones radicales ensin algamar nada??? pues mas de venti años,eso si nel chigre pueden dicir que autenticos son,recornadu ente rises la que montaron en dalgun sitiu dalguna vegada y que sacaron-yos en dos llinees nel periodicu,qu´ellos son nacionalistes de verdá,y qu´ellos nun se apeen del burru y por que lo queremos too y ya.Eso ye pone-y en bandexa al españolismu el dircursu de que l´asturianismu asturianu ye marxinal y violentu,a los que nun merez la pena nin facer comentarios.Eso ye asina y tu tamein lo sabes.UNA creo que vio esto que digo,y entro nun procesu de facer politica seria,la pena ye que cruzose Bloque,la unidá ye bona y necesaria,pero estos arrastren un llastre de la so pertenencia al gobiernu de la que pocu se fixo pol asturianu a pesar que podien haber fechu muncho.Nun quiero alargarmemas,el tema Foro ye que al menos val pa mentalizar de qu´el asturianismu nun ye sinonimu de marxinalidá,y seamos realistes güei solo qu´hai,too y ya,ye lo mesmu que quedarnos sin nada.
Doctor 03/02/2012 a les 00:17:08
Nuberu si ye verdá que fuisti votante del ENSAME, d'Andecha, de Bloque-UNA y agora "hooligan" de Cascos. Nun te parez que te lo tiníes que mirar oh.
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
