Asturies

El Bloque pide que nun s’autorice una concentración nazi n’Uviéu

10/03/2010 a les 16:08:02

El Bloque por Asturies solicita al Delegáu del Gobiernu español que nun autorice la concentración que tien prevista’l grupu neonazi Movimiento Social Republicano’l sábadu 13 de marzu a les 12 de la mañana na plaza del Conceyu d’Uviéu.



Esti grupu neonazi tien, según el Bloque, «un discursu antisistema, pero detrás namás s’escuenden idees racistes y homófobes». «En tiempos de crisis», añade, «aprovecha pa echa-yos la culpa de tolos supuestos males de la sociedá occidental a los inmigrantes y tien una obsesión enfermiza contra l’Islam». Los responsables del Bloque dicen que «ye conocida de sobra la rellación que gasta con grupos neonazis de toa Europa, y n’Asturies, igual que faen otros grupos de la mesma ideoloxía, usa los campos de fúbol pa captar xente mozo y esparder les sos idees».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam