Economía

El BBVA diz qu'Asturies ta mui espuesta a la crisis portuguesa

12/05/2011 a les 12:30:50

Según un estudiu publicáu pol BBVA, Asturies ye una de les comunidaes del Estáu que más riesgu tien poles dificultaes económiques de Portugal, porque esti país tien un pesu relevante nes inversiones del Principáu. Esti informe sorraya que los problemes na economía lusa podríen impactar nes comunidaes del Estáu de forma diferente, y destaca que'l capital d'esi país tien un pesu importante na inversión extranxera directa que recibe Asturies, amás de Galicia y Castiella-La Mancha.

Les empreses d'Hidrocantábrico y Sonae (propietaria de Parque Principado) son dos grupos que señala'l BBVA como parte de los posibles problemes d'inversión. Amás, esti estudiu diz qu'Asturies va medrar per debaxo la media estatal nos años 2011 y 2012.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam