Les Noticies.com. Diariu dixital. 12-03-2010
«Atlántica XXII» analiza'l papel de les esquierdes nueves n'Europa
Fecha: 10/01/2010 a les 09:49:34El númberu seis de la revista Atlántica XXII yá ta na cai, nuna edición na que s'apurre un análisis a fondu de les «esquierdes nueves» n'Europa. Amás, la publicación que dirixe'l periodista Xuan Cándano trata bien d'asuntos de l'actualidá asturiana, como la carrera profesional del profesoráu, la enerxía eólico, les polítiques del agua, la venta de les escueles de les monxes o la valoración sobre la situación del país que se fixo nel pasáu Seminariu d'Estudios de Belenos n'Ayande, ente bien d'otros reportaxes.
Nes entrevistes, destaca la que Yolanda Fidalgo fai al abogáu Ricardo Monner «zurdiella de la corrupción n'Arxentina». Tamién s'inclúin entrevistes a Cuco Suárez y Wes Anderson y la escritora Sofía Castañón fai un repasu de l'«Asturies Underground». Otra manera, la páxina artística del sestu númberu ye obra de Julio Saldaña.
La publicación va presentase'l 15 de xineru na Casa la Cultura de Mieres. L'actu, organizáu pola emisora municipal Radio Parpayela, ye a les 20 hores. Nel eventu, amás del presidente de l'Asociación Cultural Parpayuela, Dimás Martínez, van intervenir l'escritor Fulgencio Arguelles, Lola Lucio, una de les fundadores de la revista, y el director d'Atlántica XXII, Xuan Cándano.
11/02/2010 - Arias-Cachero: «Cesar al Ferreiro foi una indignidá»
17/02/2010 - «Cantar de la redención», de Dixebra, reconocida como Meyor Canción n’Asturianu nos Premios de la Música
12/02/2010 - LESNOTICIES.COM estrena una serie documental sobre la vida d'Anita Sirgo
21/02/2010 - Espectáculu y bona música na gala del Meyor Cantar
11/03/2010 - Felpeyu, Tierra Discos y el Conceyu d'Uviéu dan un reblagu na dinamización de la escena folk na ciudá
RSS Lesnoticies.com
Apúntate en Facebook
Semeyes en Flickr
