Les Noticies.com. Diariu dixital. 12-03-2010
Asturies llee menos que la media del Estáu
Fecha: 08/02/2010 a les 18:03:21La población llector mayor de 14 años llegó l'añu pasáu n'Asturies al 52,9 por cientu, más de dos puntos per debaxo de la media del Estáu, que ye del 55 por cientu, según los resultaos del Barómetru d'hábitos de llectura y compra de llibros de la Federación de Gremios d'Editores d'España (FGEE), patrocináu pola Dirección Xeneral del Llibru, Archivu y Biblioteques del Ministeriu de Cultura.
Por comunidaes autónomes, Madrid ye la Comunidá con población más llector (64,4 por cientu) y supera en cuasi diez puntos la media estatal, mentes que Castiella La Mancha (50,5 por cientu), Andalucía (50,2 por cientu) y Estremadura (49,4 por cientu) ciarren la parte baxa de la tabla.
Otres ocho comunidaes tampoco nun lleguen al índiz de llectura mediu. Amás de les que yá se mentaron, trátase de Castiella y Llión (55 por cientu), Galicia (54,9 por cientu), Comunidá Valenciana (54,6 por cientu), Murcia (54,3 por cientu) y Asturies (52,9 por cientu).
11/02/2010 - Arias-Cachero: «Cesar al Ferreiro foi una indignidá»
17/02/2010 - «Cantar de la redención», de Dixebra, reconocida como Meyor Canción n’Asturianu nos Premios de la Música
12/02/2010 - LESNOTICIES.COM estrena una serie documental sobre la vida d'Anita Sirgo
21/02/2010 - Espectáculu y bona música na gala del Meyor Cantar
03/03/2010 - Xuan Bello presenta «Colección d’identidaes»
RSS Lesnoticies.com
Apúntate en Facebook
Semeyes en Flickr
