Economía

Asturies lidera’l preciu mediu de la vivienda llibre con una xuba del 2,2 por cientu

17/07/2010 a les 13:09:13

El preciu mediu de la vivienda llibre subió n’Asturies un 2,2 por cientu nel segundu trimestre, lo qu’asitia a la comunidá autónoma ente les cinco que rexistraron ascensos, xunto a Galicia (+1,4%), Castiella-La Mancha (+1,3%), Estremadura (+0,4%) y Cantabria (+0,1%).

A nivel nacional, el preciu de la vivienda llibre asitió en 1.848,9 euros por metru cuadráu nel segundu trimestre, con un descensu interanual del 3,7 por ciento, lo que supón una moderación d’un puntu porcentual respective a la caída del 4,7 por ciento rexistráu nel primer trimestre, según datos difundíos pol Ministeriu de Vivienda.

Amás, el preciu de la vivienda descendió un 0,9 por cientu en términos intertrimestrales. Con estos descensos, el preciu de la vivienda llibre asitia nos niveles más baxos dende 2005.

El descensu del preciu de los pisos nuevos (hasta dos años d’antigüedá) foi del 4 por cientu en tasa interanual y del 1,2 por cientu respective al trimestre anterior, quedando el valor del metru cuadráu nos 1.846,7 euros. Nel casu de les viviendes de segunda mano, el preciu asitió nos 1.854,9 euros, con un descensu intertrimestral del 0,5 por ciento y del 3,3 por ciento respective al mesmu periodu del 2009.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam