Les Noticies.com. Diariu dixital. 11-03-2010
El PP asturianu va escoyer candidatu nuevu nel mes de setiembre
Fecha: 09/02/2010 a les 10:50:00El candidatu nuevu del PP a les elecciones autonómiques del añu 2011 va conocese nel mes de setiembre que vien. Esti ye l’anunciu que fixeron los populares asturianos n’acabando’l comité rexonal que se celebró n’Uviéu l’ochu de febreru pasáu.
La gran pregunta ye saber si esi candidatu va ser l’ex-ministru de Fomentu y vicepresidente del Gobiernu, Francisco Álvarez-Cascos. Pero nel PP, de momentu, imitando la postura del PSOE, callen la boca y echen balones fuera a la hora d’aclariar el futuru candidatu.
L’actual presidente del PP asturianu, Ovidio Sánchez, aprovechó la presencia de los medios de comunicación p’atacar a los socialistes, calificando d’«insólito» que’l PSOE cambie de candidatu a un añu y mediu de les próximes elecciones. Amás, nesi sentíu, dixo que’l cambiu de candidatu nel PSOE vien motivao «pola mala situación económica d’Asturies y l’alta tasa de paru». Según Sánchez, «la gran preocupación d’Asturies son les altes cifres de desempléu», una circustancia que «reconoz la propia FSA cambiando al so candidatu y almitiendo que la situación ye absolutamente catastrófica».
09/03/2010 - Fai! ridiculiza una concentración antialbortista
18/02/2010 - Aznar diz que Zapatero «nin tien, nin tenía» condiciones pa ser presidente del Gobiernu
11/02/2010 - Preséntase Eslema, el traductor automáticu castellanu-asturianu
04/03/2010 - El Gobiernu va pidir al Ministeriu d'Educación un informe sobre la especialidá d'Asturianu
25/02/2010 - UNA propón la creación d’un «espaciu políticu asturianu»
RSS Lesnoticies.com
Apúntate en Facebook
Semeyes en Flickr
