Les Noticies.com. Diariu dixital. 07-02-2012
Areces: «El nacionalismu n'Asturies tien pocu futuru»
03/02/2010 a les 10:05:00«Asturies siéntese parte integrante n'España y, sinceramente, creo que'l nacionalismu n'Asturies tien pocu futuru». Estes foron delles de les declaraciones que fixo Vicente Álvarez Areces na conferencia que dio esti martes 2 de febreru nel Forum Nueva Economía de Madrid.
Según el presidente asturianu, el nacionalismu respuende a «espresiones minoritaries, porque n'Asturies, como los ciudadanos, les fuerces representen el sentir y el pluralismu na vida política asturiana. Yo creo que'l nacionalismu nun va tener nenguna espresión significativa na política asturiana», indicó Álvarez Areces.
A estes esplicaciones, el presidente asturianu amestó'l so discursu habitual de qu'«Asturies ye una rexón perguapa, que tien una imaxe positiva» y añadió qu'esa imaxe positiva conservábase «a pesar de los problemes d'Asturies y de la so conflictividá pasada y de les sos referencies».
Nesti sen, Álvarez Areces, aseguró que la so intención ye tratar de tresmitir que, «amás del paisaxe, de la nuestra fonda hospitalidá y forma de ser, hai una Asturies innovadora que se desconoz y que camina al futuru».
Volviendo al tema de la identidá, el líder socialista afirmó qu'Asturies ye «una comunidá con una identidá mui fonda» y que «podíemos facer d'eso un arma reivindicativa territorial con plena llexitimidá». Sicasí, comentó qu'eso nun se fixo «porque Asturies siéntese fondamente integrada n'España, ye una comunidá que reclama la so identidá, demuéstrala porque tenemos una inmigración de va más de dos sieglos, porque nel mundu supimos lo que significa dir a otros sitios y ser acoyíos, y tener una visión amplia de la vida», un fechu que, al so xuiciu, «ayudónos muncho».
Comentarios fechos (3)
Berracu 04/02/2010 a les 08:52:12
Sr. Areces: esa fartura que tan pegándose toos esos millonarios qu'hai sentaos na mesa pagámosla tolos asturianos, nacionaliegos o non nacionaliegos. Si usté se siente más español que Paquirrín o El Cordobés ye'l so problema, fale por usté y non polos asturianos, nin muncho menos por Asturies. Gracies.
Iván 03/02/2010 a les 15:15:37
Sr. Areces, por muncho que berre y caricaturice al asturianismu políticu nun va meyorar la situación política y social d'Asturies. Dame igual lo que diga, dame igual que haiga 4 votos que 400.000, yo soi nacionaliegu (asturianu), esa "expresión minoritaria" y nun voi votar al nacionalismu español, enantes córtome la mano.
Renan 03/02/2010 a les 09:52:22
¿Que tien pocu futuru'l nacionalismu? Pos yo, al nacionalismu español véo-y munchu futuru. Areces, como'l PSOE o UPyD (al PP yá nun fai falta recordalu, claro) ye un exemplu claru de cómo los nacionalistes satisfechos piensen qu'ellos nun son nacionalistes y namás lo son los que tán "insatisfechos". Y el cantar esi de que, como nun son nacionalistes, "tien una visión amplia de la vida" yá ye de traca...
Lesnoticies.com - Areces: «El nacionalismu n'Asturies tien pocu futuru»
30/01/2012 - Cascos convoca elecciones anticipaes pal 25 de marzu «porque ye lo meyor p'Asturies»
01/02/2012 - Francisco Álvarez-Cascos: «N'Asturies hai un tripartitu ente PP, PSOE y "La Nueva España"»
04/02/2012 - Álvarez-Cascos: «Nun soi partidariu de convertir les llingües en barreres alministratives»
06/02/2012 - Una carta abierta pide pa estes elecciones la unidá nel asturianismu d'esquierdes
20/01/2012 - Gaspar Llamazares: «Voi usar l'asturianu nel Congresu col fin de facelo visible»
Esta web cuenta con una subvención de la Conseyería de Cultura y Deporte del Principáu d'Asturies
© Selmanariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
