Asturies

Andecha Astur tamién sofitará la prohibición de les corríes de toros

30/07/2010 a les 12:18:01

El partíu asturianista Andecha Astur súmase al Bloque nel refugu de los espectáculos taurinos «tanto pol maltratu animal que suponen como pol so componente exóxenu a la cultura asturiana» y da anuncia de qu'apoyará «toa iniciativa que denuncie la so celebración n’Asturies o s’empobine a algamar la so prohibición nel nuesu país».

Según la organización política, namás seis de los 1.848 actos con toros qu'hebo en tol estáu, celebráronse n’Asturies. Ye, con Canaries y Baleares, ún de los territorios del estáu con menos corríes de toros. Anque «tarde o temprano equí tamién se va consiguir erradicar los espectaculos taurinos», afirma, yá nel añu 2003 bloqueóse nel parlamentu asturianu una Iniciativa Popular asemeyada. Nun llegó a aniciase'l procesu llexislativu nin l’entamu de la recoyida de les 15.000 firmes necesaries. «Que se torgare de primeres yá aquel proyeutu de ILP dexa ver la falta de democracia que carecemos n’Asturies y la proteición d’estos espectáculos sangrinos dende los partíos estatales», denuncia Andecha Astur.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam