Les Noticies.com. Diariu dixital. 12-03-2010
Ana Rosa Migoya llama «fracasáu» a Ovidio Sánchez
Fecha: 09/02/2010 a les 15:48:00Ana Rosa Migoya, conseyera d’Alministraciones Públiques del Gobiernu d’Asturies, calificó al presidente del PP asturianu, Ovidio Sánchez, como «fracasáu». De la mesma manera, aseguró que la xestión fecha polos gobiernos de Vicente Álvarez Areces «llevaron a Asturies a una situación más moderna».
Estes declaraciones de la titular d’Alministraciones Públiques son la respuesta a les critíques feches por Sánchez nel congresu de los populares asturianos, onde s’aseguraba que l’anunciu de candidatu del PSOE pa les próximes elecciones autonómiques vien motiváu «pola situación difícil que vive la rexón poles polítiques d’Areces». Nesi sentíu, Migoya repitió que’l presidente del PP d’Asturies «siempre fracasó en tolos sos oxetivos dende’l puntu de vista políticu».
«Ovidio Sánchez trata de confundir», espetó la conseyera. Amás, defendió qu’Asturies «tien mui clara» la so actuación nun contestu de crisis y matizó que l’Executivu asturianu «aplicó los mecanismos y midíes pa responder a la situación y remediar los efectos de la crisis más negativos, dientro de les capacidaes d’un Gobiernu».
Comentarios fechos (1)
Xabel Fecha: 09/02/2010 a les 22:25:43
Tien razón: Ovidín ye un fracasáu. Igual que'l Gobiernín d' esi apéndiz llamentable del PSOE, la FSA. Pienso que nun fai falta enumerar los resultaos de la "política" de los amiguinos de la Migoya nos últimos casi trenta años... Sí, esos mesmos resultaos que sabéis: paru de record pesie a la masiva emigración de la mocedá y les xeneroses prexubilaciones (la verdá qu'esto tien méritu ¿cómo lo faen?). Aculturización, xibarización política, desestructuración social,desmotivación colectiva.¡Descomanada viga nel güeyu propiu!
09/03/2010 - Fai! ridiculiza una concentración antialbortista
18/02/2010 - Aznar diz que Zapatero «nin tien, nin tenía» condiciones pa ser presidente del Gobiernu
11/02/2010 - Preséntase Eslema, el traductor automáticu castellanu-asturianu
04/03/2010 - El Gobiernu va pidir al Ministeriu d'Educación un informe sobre la especialidá d'Asturianu
25/02/2010 - UNA propón la creación d’un «espaciu políticu asturianu»
RSS Lesnoticies.com
Apúntate en Facebook
Semeyes en Flickr
