Asturies

Ta acabando'l plazu pa la puya de los edificios d'Asturies en Madrid y Bruseles

REDACCIÓN. UVIÉU - 13/01/2012 A LES 13:06:47

El 25 de xineru va puyase l'inmueble onde taba la Delegación del Principáu d'Asturies en Madrid. El plazu pa presentar ufiertes acaba'l martes 24. L'inmueble de Madrid, na Glorieta Ruiz Jiménez, valoróse en 11.290.408 euros. La puya del edificiu de la Delegación del Principáu en Bruseles va facese'l 31 de xineru y, nesti casu, l'inmueble ta valoráu en 17.570.320 euros.

Tamién se va usar el mesmu procedimientu de puya pública'l 30 de xineru pa nayenar una parcela del Parque Científicu Tecnolóxicu de Xixón valorada en 1.035.097 d'euros.

Según esplica un comunicáu del Gobiernu asturianu, la puya pública ye un sistema «tresparente dafechu porque cualquier persona pue concurrir a la subasta y puyar por cada inmueble». En tou casu, aclarien, «el tipu de salida de cada bien ye'l so valor pericial, polo que queda asegurao que na primer puya pueda obtenese pola venta la cantidá de 29.895.834 euros, que van valir p'ayudar na difícil situación de les finances rexonales».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam