Sociedá

Abiertu'l plazu pa presentase al concursu de carteles del VI Alcuentru Asturianu de Cooperación Internacional

06/03/2010 a les 09:59:29

Del 4 al 6 de payares del 2010 la Coordinadora d'ONGD d'Asturies va celebrar n'Uviéu'l VI Alcuentru Asturianu de Cooperación Internacional. El tema que se va tratar ye la eficacia, el sentíu y la repercusión de la Cooperación al Desarrollu. Éstes son les cuestiones que se proponen como idea central pal concursu de carteles que convoca la Coordinadora p'anunciar esti eventu. El plazu pa presentar los diseños ta abiertu hasta'l 5 d'abril.

Coles obres presentaes, el xuráu va facer una selección previa, y éstes van mostrase nuna esposición qu'entama la Coordinadora d'ONGD del 12 al 30 d'abril. Esti día ye cuando'l xuráu va facer públicu'l fallu, que va tener en cuenta les valoraciones de la xente qu'asistiera a la esposición nel so determín final.

El premiu ye de 800 euros y el trabayu ganador va ser la imaxe del VI Alcuentru Asturianu de Cooperación Internacional.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam