Actualidá

El 19,4 por cientu de los catalanes quieren la independencia

26/02/2010 a les 17:20:19

El 19,4 por cientu de los catalanes ta a favor de la independencia, un 29,5 por cientu defende un estáu federal y un 38,2 por cientu ta d'alcuerdu col marcu autonómicu actual. Son datos del barómetru d'iviernu del Centru d'Estudios d'Opinión (CEO) de la Generalitat, nel que participaron 2.000 encuestaos.

Según los datos, la mayoría de les persones a les qu’entrevistaron (38,2 por cientu) defenden el modelu autonómicu actual. Al 29,5 por cientu diba presta-yos una España federal, y al 19,4 por cientu, la independencia. Per otru llau, el 59 por cientu de los encuestaos creen que Catalunya consiguió un nivel insuficiente d'autogobiernu.

Sobre'l sentimientu de pertenencia, el 45,1 por cientu de los encuestaos dicen sentise tan catalanes como españoles. Siéntense más catalanes qu'españoles el 25,4 por cientu, y namás catalanes, el 17,3%.

La encuesta fíxose a 2.000 catalanes mayores de 18 años ente'l 13 y el 28 de xineru, y tien un marxe d'erru del 2,74%.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam