Les Noticies.com. Diariu dixital. 04-09-2010
15.000 persones manifiéstense n'Hendaya y Irún contra los trenes d'alta velocidá
Fecha: 26/01/2010 a les 12:56:25Cerca de 15.000 persones, según los convocantes –13.000, según la versión oficial–, manifestáronse nes localidaes d'Hendaya (Francia) y Irún (País Vascu) pa protestar contra'l proyectu de llinia ferroviaria d'alta velocidá que conecta Burdeos col Estáu español.
La manifestación, que se fixo ensin incidentes, principió na estación ferroviaria d'Hendaya y llegó hasta'l centru d'Irún al traviés de la ponte que crucia'l ríu Bidasoa, frontera ente los dos estaos.
La protesta convocáronla delles asociaciones opositores al proyectu del tren d'alta velocidá (TAV) d'Iparralde y d'Hegoalde. Estos movimientos populares que s'oponen al TAV hai tiempu qu'entamaron el trabayu a comuña y demanden «a los qu'impulsen esti proyectu» qu'espliquen con datos por qué resulta tan necesariu'l TAV y «cómo va dar respuesta a les necesidaes reales de la población, o los verdaderos impactos que va provocar esti proyectu».
Otra manera, na manifestación participaron colectivos d'apoyu y ecoloxistes del restu del Estáu y tamién d'Italia y Francia. Los manifestantes esixeron al Gobiernu la paralización «inmediata» de les obres del TAV y abrir un debate públicu, verdaderu y uniforme a escala europea sobre'l modelu de tresporte, d'ordenación del territoriu y de sociedá qu'hai debaxo «d'esti desarrollu desenfrenáu de llinies de TAV».
Los manifestantes firmaron un testu común, al que bautizaron Carta d'Hendaya y que quieren que sirva pa federar a los movimientos europeos que s'oponen a la construcción de llinies d'alta velocidá.
Comentarios fechos (1)
Agur Fecha: 05/02/2010 a les 20:51:13
Equi somos tan burros que nun pedimos un AVEx, si non 2.
Que vergoña me da!
27/08/2010 - L’Autovía del Cantábricu sálvase del plan d’axuste, pero Blanco nun da feches
31/08/2010 - El Conceyu d'Uviéu paraliza les obres d'accesu al HUCA
31/08/2010 - IX diz que Zapatero sigue proponiendo «reformes cosmétiques»
01/09/2010 - Jesús Iglesias denuncia la «cobardía» del Gobiernu español y la so sumisión a les esixencies de Marruecos
19/08/2010 - L’Axencia Asturiana de Cooperación destina 50.000 euros p’ayuda humanitaria en Pakistán
RSS Lesnoticies.com
Apúntate en Facebook
Semeyes en Flickr
