Actualidá

1.600 quilómetros pol gaélicu

06/03/2010 a les 10:13:07

Una marcha ente Belfast y Galway va valir pa que per Irlanda cuerra l'arguyu y reivindicación de la llingua propia. Llámase Rith ('carrera', en gaélicu) esti eventu que coincide cola Selmana de la Llingua Irlandesa, que se celebra en munches ciudaes y villes de tola isla.

El recorríu d'esta primer marcha ye bien simbólicu. La Rith escomienza'l día 10 na capital d'Irlanda del Norte y, depués de pasar per Dublín, remata'l día 17 (festividá de San Patricio) en Galway. Les donaciones que se llogren nesta selmana d'actividaes van destinase a proyectos que promuevan la normalización de la llingua propia d'Irlanda. La intención de los organizadores ye qu'esta cita se convierta en bianual.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam